ليه اعمل الحاجه اللى انا عاوزها بنفسى طالما اللى حواليا ممكن يعملوهالى ؟؟؟

دى اول مبادئ قانون الاعتمادية او الاتكاليه للى عاوز يتعلمهاا
واول درس لما تبقى محتاج حاجه اوعى اوعى ثم بردو اوعى تعملها لنفسك لا دور ع حد حواليك يعملهالك
وقانون الاعتمادية او الاتكاليه ده هو اهم مبدئ عايشين عليه الولاد بشكل عاااام ....
فى البيت
تلاقيه داير على افراد البيت فرد فرد يعتمد عليهم فى حياته ابتداءا من مامته لحد اخته الصغيرة ...
تلاقيه طول النهار ..
ماماااااا اكوى لى القميص!!!!
لاخته اغسلى لى الشرااااااااااااب
اخته التانيه لمعى لى الجزمة
لباباه هااات المصروووووووووف
تانى لمامته هاتيلى البنطلون يامامااااااا
لاخته هاتيلى الفرشة .....
الله اومال انت بقا هتعمل ايه يعنى بعد ماعملنا لك كل دة ؟؟؟؟؟؟؟؟؟؟!!!!!!!!!!!!!

انا هاخرج اتفسح هاهاهااااااااااا

لا بصراحه بتتعببببببببب !!!!

وهكذا على هذا المنوااال الولاد اول من بيطبق قانون الاتكاليه فى كووووووووووول شئ حتى كوبايه الميه..

فى المدرسة الابتدائيه..
بيبدأ الولد من وهو فى لابتدائى بتطبيق مبدأ الاتكاليه وبيبقى بطرق شتى اما الترغيب او الترهيب..
وبيكون على زميلته فى الديسك ..
من اول سنة اولى ابتدائى يجى الصبح
لو ثمحتى انا عاوز انقل الواجب منك اثلى نثيت اعمله امبارح ؟؟
هى وبكل ايبااء رافضه ..
لا دة انا تعبت فيه ومث ينفع اديهولك المث هتزعق..
يرد هو متوسلا ..
لا والله مث هتزعق وانا مث هقولها طيب تاخدى ثندوتش مربى وتديهونى انقله المرة دى بث ؟؟؟
وتحت الترغيب بسندوتش المربى تقبل وتديله الواجب بتاعها

يجو وهما بقو فى رابعه ابتدائى ...

يدخل هو الفصل ويرمى الشنطه ع الديسك ويبص لها من فوق لتحت
طلعى الكشكول علشان معملتش الواجب وعاوز انقله منك يلا خفى ..
هى طبعا مستنكرة لاسلوبه ده وترد ..
لا ومعملتهوش انت ليه كان وراك ايه انا مبديش واجبى لحد
يرد وعينه بيطق منها الشرار وبيهبد بايده ع الديسك
مكنتش فاااضى كان ورايا خناقة انا والشله فى الشارع اللى ورانااا مع واد شايف نفسه هناك وبعدين انتى هتخدى وتدى معايا طلعى الكشكول بدل مااطلعه انا ..
طبعا هى وبكل ارتجاف تطلع الكشكول وبلهجه مرتعشه من ايده اللى ممكن تلزقها كف فى اى وقت
بس خد بالك دى اخر مرة ابقا اكتبه بعد كدة لوحدك....
وطبعا لا كانت اخر مرة ولا نيله لانه على طول مقلبها فى الواجب وبينقله منها قبل ماالميس تيجى غصب واقتدار ماهو صحيح مش فاضى يعنى هيتخانق ولا يعمل الواجب ؟؟؟؟!!!!

وهكذا ......
اتعلم طبعا معنى الاتكاليه
فى البيت اعتماده على اخواته ..
فى المدرسة على زمايله ....
وبقا خلاص طبع فيييييييييييه