الاعلان التانى:
الام:معاكى المصروف ياحبيبتى
الانتوكه الصغننه:معايا
الام:وانت ؟؟
الولد الكوول ابنها: هتصرف على طريقتى
وتلاقى الاموووووور والامووووووووورة الصغننين
عمالين يشترو من مولالالالالالالات مش محلات لا موووولالات من الكبيرة
وبعد مايخلصو الشوبنج يجو يقفو جنبب بقية العيلة فى صورة جميلة
ف جنينه فيلا طويلة عريضة ...
ويقولك بنك مصر
بيخدم كل فرد فى كل أسرة فى مصر..
يارااااجل قول كلام غير دة
ال كل أسرة ف مصر ال
بقا بذمتك دى كل اسرة ف مصر كدة حالها وعايشين فى فلل كدة؟؟؟!!!!!!
مفيش متشحططين ومش لاقيين شغلانه ؟؟؟
مش شعب مصر دول اللى تلت ارباعهم متلطعين على القهاوى!!!
بقا بسلامته وبسلامتها دول من ولاد أسر مصر اللى مليانه حرايق وانهيارت
ياراجل قول كلام غير دة
الاعلان التانى لنفس البنك :
هى داخله تعمل شوبنج وتشترى ومجوهرات ومش عارف ايه
بقا دى بتمثل كل ربة أسرة فى مصرنا الحبيبه ؟؟!!!

بطلو تضحكو على عقولنا انتو خلتونا نصدق ان احنا هبل
عيشتونا ف الدور لحد ماوفوقنا على انهيار وحرايق..
ياريت تعيشونا ف الواقع حبة ؟